Vdes në vendin e punës një punëtor i “Trepçës”

Një punëtor i “Trepçës” ka vdekur në vendin e tij të punës sot në mëngjes.

Lajmin për KALLXO.com e konfirmoi zëdhënësi i Policisë së Kosovës, në rajonin e Mitrovicës, Avni Zahiti.

“Sot, rreth  07:00, Policia  ka pranuar informatën se në vendin e tij të punës brenda kompleksit  industrial ” Trepça” është gjetur pa shenja jete viktima mashkull 58 vjeçar” – tha ai.

Rasti po trajtohet si vdekje e dyshimtë ndërsa dyshohet se viktima ka rënë nga një objekt.

“Bazuar në hetimet fillestare dyshohet se viktima ka rënë nga një lartësi e objektit. Hetuesit policor me autorizim të prokurorit kanë nisur hetimet për identifikimin dhe  zbardhjen e  rrethanave të rastit. Me urdhër prokurorit trupi i pa jetë  dërgohet në IML për obduksion” – thuhet në fund të njoftimit.