ILUSTRIM: Dhuna në familje, Foto: Pixabay.com
Gjashtë raste të dhunës në familje raportohen në 24 orët e fundit
Gjashtë raste të dhunës në familje janë raportuar në Policinë e Kosovës në 24 orët e fundit.
Lidhur me këto raste, janë arrestuar disa persona të dyshuar.
Në Obiliq, një grua ka raportuar se është sulmuar fizikisht nga një burrë i dyshuar.
Sipas Policisë, viktimës i është ofruar tretman mjekësor, dhe më konsultim të prokurorit e njëjta është dërguar në strehimore.
“I dyshuari pas intervistimit të lirohet në procedurë të rregullt”- thuhet në raportin e Policisë.
Në Fushë Kosovë, Policia ka arrestuar një burrë të dyshuar për dhunë në familje.
I njëjti sipas Policisë, dje, la sulmuar fizikisht një grua.
“Viktimës i është ofruar tretman mjekësor, ndërsa me vendim të prokurorit i dyshuari pas intervistimit është dërguar në mbajtje”- ka njoftuar Policia.
Edhe në Novoberdë një burrë është arrestuar për dhunë në familje.
Rasti ka ndodhur dy ditë më parë, ndërsa viktima si pasojë e rastit ka pranuar tretman mjekësor.
“I dyshuari pas intervistimit me vendim të prokurorit është dërguar në mbajtje”- ka njoftuar Policia.
Në Viti, një grua ka raportuar se një burrë në vazhdimësi i shkakton dhunë psikike.
Sipas Policisë, rasti ka ndodhur dje në Viti.
“Palët janë intervistuar dhe me vendim të prokurorit, rasti në procedurë të rregullt”- ka njoftuar Policia.
Dje, në Pejë është arrestuar një i dyshuar për dhunë në familje.
“I njëjti nën ndikim të substancave narkotike kishte sulmuar fizikisht dy gra”- ka njoftuar PK.
Viktima ka pranuar tretman mjekësor, thuhet në raportin e Policisë.
Ndërsa, i dyshuari pas intervistimit me vendim të prokurorit është dërguar në mbajtje.
Në Gjakovë mbrëmë rreth orës 19:00 është arrestuar një grua.
E njëjta dyshohet se në ndikim të alkoolit, ka shkaktuar dhunë psikike dhe fizike ndaj një burri.
I njëjti sipas Policisë ka pranuar tretman mjekësor.
“Me vendim të prokurorit, e dyshuara është dërguar në mbajtje”- thuhet në raportin e Policisë.