Ilustrim
Gjakovë, arrestohet për shitje të drogës
02.5.2022 - 11:12
Policia e Kosovës ka njoftuar se ka arrestuar një person në Gjakovë, i cili dyshohet për shitje apo shpërndarje të paautorizuar të substancave narkotike.
Sipas njoftimit, gjatë bastisjes në shtëpinë e të dyshuarit dhe objektet përcjellëse, njësitë policore kanë gjete dhe sekuestruar disa prova materiale.
“229 qese najloni me 109.35 gram substanca në formë pluhuri ngjyrë e bardhë që dyshohet të jetë narkotik e llojit kokainë të gatshme për shitje, një veturë me targa vendore, një telefon celular dhe 350 euro kesh para”, thuhet në raportin e Policisë.
I dyshuari me vendim të prokurorit është dërguar në mbajtje për 48 orë.