Ilustrim
Dyshohen se falsifikuan dokumentet e veturës, arrestohen dy persona në Gjilan
04.7.2023 - 14:41
Dy burra janë arrestuar dje në Gjilan pasi dyshohet që kanë bërë falsifikim të dokumenteve të një veture.
Policia e Kosovës, ka njoftuar se këto dokumente i përkasin një veture me targa të huaja.
Rasti ka ndodhur të hënën rreth orës 16:30.
“Verifikimi është kryer në bashkëpunim me autoritetet e shtetit të huaj, pasi vetura në fjalë kishte targa të një shteti të huaj”, thuhet në njoftim.
Më tej, PK-ja, ka sekuestruar një veturë, dokumentet e veturës dhe dy telefona.
Të dyshuarit janë dërguar në mbajtje.