Dyshimi për helmimin e qenve në Mitrovicën e Veriut, Prokuroria fillon hetimet

Para dy ditëve një organizatë që merret me mbrojtjen e kafshëve në Mitrovicën e Veriut ka reaguar lidhur me disa dyshime për helmim të qenve.

Lidhur me këtë, zëdhënësi i Prokurorisë së Mitrovicës, Valon Preteni, ka thënë për KALLXO.com se kanë filluar hetimet.

“Është njoftuar prokurori kujdestar dhe është udhëzuar Policia e Kosovës që të fillojë hetimet” – ka thënë ai.

Tutje është treguar se janë dhënë udhëzimet që të hapet rast në drejtim të veprës penale “keqtrajtimi i kafshëve dhe ndotja e ushqimit dhe ujit të shtazëve.

Preteni ka treguar se deri më tash nuk ka ndonjë të dyshuar.