G
Dy raste të falsifikimit të parasë në rajonin e Prishtinës
21.12.2023 - 10:17
Dy raste të falsifikimit të parasë janë raportuar në 24 orët e fundit në Policinë e Kosovës.
Në Prishtinë një zyrtare e bankës ka informuar se klientë të ndryshëm kanë deponuar para të falsifikuara.
Sipas Policisë, parat janë konfiskuar dhe rasti është duke u hetuar.
Ndërsa, në Lipjan një zyrtar i bankës ka informuar se nga klient të ndryshëm janë deponuar 638 euro të falsifikuara.
Paratë janë konfiskuar dhe rasti është duke u hetuar, ka njoftuar Policia.