Dy raste të dhunës në familje në Suharekë

Dy raste të dhunës në familje kanë ndodhur gjatë ditës së djeshme në Suharekë.

Në njërin rast, gruaja është kanosur nga burri i cili më pas është dërguar në mbajtje pas intervistimit nga policia. Ngjarja ka ndodhur në ora 22:25.

Kurse në rastin tjetër, një grua ka raportuar se ish-burri ka kërcënuar me mesazhe telefonike. Edhe në këtë rast, Policia ka dërguar në mbajtje burrin pas intervistimit. Ky rast ka ndodhur rreth orës 20:55.

Të mërkurën, një grua është vrarë në fshatin Llaushë të Skenderajt. Dyshimet e para janë që gruaja është vrarë nga bashkëshorti i saj.