Blinken: Dënojmë fuqishëm sulmet e terroristëve të Hamasit

Sekretari amerikan Antony Blinken ka deklaruar se dënojnë fuqishëm sulmet e terroristëve të Hamasit kundër Izraelit.

Ai përmes rrjetit X shtoi se qëndrojnë afër shtetit të Izraelit.

“Ne dënojmë pa mëdyshje sulmet e tmerrshme të terroristëve të Hamasit kundër Izraelit. Qëndrojmë në solidaritet me qeverinë dhe popullin e Izraelit dhe shprehim ngushëllimet tona për jetët izraelite të humbura në këto sulme”- u shpreh ai.

We unequivocally condemn the appalling attacks by Hamas terrorists against Israel. We stand in solidarity with the government and people of Israel and extend our condolences for the Israeli lives lost in these attacks.

— Secretary Antony Blinken (@SecBlinken) October 7, 2023

Shërbimi kombëtar i shpëtimit në Izrael tha se të paktën 40 persona janë vrarë dhe qindra të tjerë janë plagosur si pasojë e dhunës.

Grupi militant Hamas tha se ka lëshuar mijëra raketa në Izrael mëngjesin e 7 tetorit, duke nxitur autoritetet që të lëshojnë alarme për sulme ajrore në mbarë vendin, përfshirë në Jerusalem dhe Tel Aviv.

Izraeli u kundërpërgjigj duke kryer sulme ajrore ndaj caqeve në Rripin e Gazës.