Foto: KALLXO.com Ilustrim
Arrestohet një i dyshuar për kanosje ndaj personit zyrtar në Prizren
08.2.2024 - 09:57
Një burrë është arrestuar pasi që dyshohet se ka kanosur një person zyrtar përmes rrjeteve sociale.
“Njësitet e hetuesisë kanë identifikuar dhe arrestuar të dyshuarin mashkull kosovar pasi që i njëjti përmes rrjeteve sociale kishte kanosur viktimën femër kosovare” – thuhet në raportin e Policisë së Kosovës.
Rasti thuhet se ka ndodhur më 6 shkurt, rreth orës 21:45, në rrugën “Ali Hadri” në Prizren.
Pas intervistimit me vendim të prokurorit, i dyshuari është dërguar në mbajtje.