Aksident mes një kamioni dhe një veture në rrugën Mitrovicë-Prishtinë, dy të lënduar
28.11.2023 - 17:42
Një aksident trafiku ka ndodhur sot në rrugën nacionale Mitrovicë-Prishtinë si pasojë e të cilit janë lënduar dy persona.
Lajmin për KALLXO.com e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.
Zahiti tha se aksidenti ka ndodhur rreth orës 14:00, përkatësisht në segmentin rrugor në Maxhunaj.
“Aksident trafiku me lëndime, i ndodhur sot rreth orës 14:00 në rrugën nacionale Mitrovicë- Prishtinë, përkatësisht në segmentin rrugor në Maxhunaj, në aksident janë përfshirë një kamion dhe një veturë, si pasojë e aksidentit dy persona kanë pësuar lëndime”- tha Zahiti për KALLXO.com.