Aksident mes një kamioni dhe një veture në autostradën "Ibrahim Rugova"
01.11.2023 - 17:52
Një person ka marr lëndime trupore si pasojë e përfshirjes në një aksident trafiku të një kamioni dhe veture në autostradën Prizren-Suharekë.
Zëdhënësi i Policisë, Bajram Krasniqi, për KALLXO.com ka bërë të ditur se njësitet policore janë marrë me aksidentin.
“Pak pas orës 15:00, policia është njoftuar për një aksident trafiku. Njësia policore ka shkuar në vendin e ngjarjes në autostradë drejtimi Prizren-Suharekë (kyçja veri). Në aksident janë përfshirë dy automjete, një veturë e një kamion” – ka bërë të ditur Krasniqi.
Sipas Krasniqit, si pasojë e aksidentit një person ka kërkuar ndihmë mjekësore.