![](https://kallxo.com/wp-content/uploads/2023/03/Prapa-Grilave-foto-Rtv21-e1508148564390-1.png)
17 vite burgim të akuzuarit për vrasjen e vëllait
Gjykata e Prishtinës e ka dënuar me 17 vite burg Millorad Shubariqin, i akuzuar për vrasjen e vëllait të tij.
Millorad Shubariq akuzohet nga Prokuroria për vrasjen e vëllait të tij D. Sh. më datën 07.05.2022 në fshatin Gushtericë e ultë, Komuna e Lipjanit.
Aktakuza ndaj tij ishte ngritur më datën 13.04.2024.
I akuzuari u dënua për veprën penale “Vrasje e rënd në aftësi të zvogëluar mendore”.
Sipas aktakuzës, Millorad Shubariq në mesditën e 07.05.2022 me revole kishte qëlluar tetë herë vëllanë e tij pas një mosmarrëveshje rreth një prone të përbashkët
Ditën kritike, sipas prokurorisë, i ndjeri ka qenë duke kositur barin e oborrit të shtëpisë, kurse i akuzuari ka qenë duke konsumuar pije alkoolike, kur edhe kishte filluar konfrontimi verbal i cili nuk kishte përfunduar me aq.
Pas fjalosjes i akuzuari ka hyrë në shtëpinë e tij ka marrë revolen, ka shkuar në shtëpinë e vëllait të tij e cila gjendej në të njëjtin oborr dhe ka shtënë 8 herë në të, duke e lënë të vdekur në vend.
Me këtë i pandehuri sipas prokurorisë ka kryer veprën penal “Vrasje e Rëndë”.
Aktgjykimi u shpall nga kryetarja e trupit Alltën Murseli dhe anëtarët Gazmend Bahtiraj e Gëzim Ademi.