Teatri i Gjilanit
Teatri i Gjilanit anulon repertorin për këtë javë
Teatri i Qytetit të Gjilanit ka anuluar repertorin e shfaqjeve për këtë javë për shkak të rrethanave të krijuara nga pandemia.
Përmes një postimi në Facebook, menaxhmenti i këtij teatri njofton se ka anuluar dhënien e dy shfaqjeve të planifikuara për këtë javë.
“Me keqardhje ju njoftojmë̈ se për shkak të rrethanave të krijuara dhe masave parandaluese në luftën kundër COVID -19, anulohen reprizat e shfaqjeve “7 Shkallët” e datës 11 nëntor dhe poashtu edhe shfaqja mysafire e Teatrit “Adriana” – Ferizaj, e planifikuar të mbahet me datën 13 nëntor. Pjesa tjetër e programit për muajin nëntor zhvillohet sipas orarit të shfaqur më herët, sigurisht nëse nuk do të ketë̈ zhvillime të reja që lidhen me masat kundër COVID – 19″, thuhet në njoftimin e Teatrit të Gjilanit.
Për shkak të shtimit të infektimeve me Coronavirus qeveria pritet të marrë kufizime për të parandaluar përhapjen e pandemisë.