Perlat shqiptare të UNESCO-s në 'Dokufest'
Koncerti i grupit të iso polifonisë “River voices” një grup grash nga Shqipëria ka marrë vëmendje në natën e katërt të edicionit të 18-të të Festivalin “Dokufest”.
Me interesim të madh është përcjellë perormanca e këtij grupi polifonik i përbërë vetëm nga gratë, nga rrethi i Lumit të Osumit në Shqipëria, i cili solli këngët më të mira nga repertori i tyre, perla të polifonisë shqiptare dhe botërore,
Këngët e kënduara nga “River Voices” gjatë natës së sotme në kino N’Lum janë këngët më të mira të polifonisë shqiptare të cilat edhe kanë hyrë nën mbrojtjen e UNESCO-s.
Përveç kësaj performanse, dita e katërt e “Dokufesit” është karakterizuar me filma dhe aktivitete tjera.
Gjatë ditës së sotme në kuadër të këtij festivali është mbajtur paneli ‘Ejani t‘flasim” organizuar nga Creative Europe- Desku Kosova dhe “Dokufesti” me pjesëmarrje edhe të desqeve nga Sllovenia, Kroacia, Shqipëria dhe Maqedonia Veriore, si dhe miq nga komuniteti kulturor i Kosovës.
Qëllim i këtij aktiviteti ishte të nxiten bashkëpunime dhe shkëmbimin i përvojave të mira në mes të akterëve kulturor në nivel rajonal dhe evropian.
Nata e së hënës në Dokufest është mbyllur me performancën e grupit muzikore nga Berlini Die Willde Jagd, Via Tirana dhe me muzikën elektronike të Uji pa gaz.