Titulli i rremë për ilaçin e mjekëve kroatë
Deklarata
Mjekët kroat japin ilaçin që po “dridh” botën – Gripi nuk do ju kap më
Vlerësimi
Me kos
Artikulli me titull “Mjekët kroat japin ilaçin që po “dridh” botën – Gripi nuk do ju kap më” nuk është i bazuar në fakte dhe përmban konstatime të ekzagjeruara. Në titull thuhet se receta është dhënë nga mjekët kroat, por në artikull nuk është cituar asnjë mjek. Tutje konstatohet se receta e ka dridhë botën, por në artikull nuk është përfshirë asnjë reagim. Përveç kësaj, në titull konstatohet se personat që e konsumojnë këtë serum nuk do të preken nga gripi. Specialistët thonë se receta të tilla me prani të vitaminës C mund të ndihmojnë pacientët e prekur nga gripi, por nuk mund ta pengojnë kresjtësisht gripin.
Artikulli
Më 23 janar 2023, faqja e internetit “atdheulajm.com”, ka publikuar një artikull me titull: “Mjekët kroat japin ilaçin që po “dridh” botën – Gripi nuk do ju kap më”.
I njëjti artikull është shpërndarë nga disa faqe të facebook-ut si Atdheu Lajm, Tema Ditore, ALNews24 dhe lajmi.tv.
Në titull pretendohet se “mjekët kroat japin ilaçin”, mirëpo në përmbajtje nuk përmendet e as nuk citohet asnjë mjek.
Më tej, receta e publikuar në tekst nuk është bazuar në ndonjë burim të sigurt dhe nuk tregon se ndihmon në përballjen me gripin apo që e parandalon atë.
Specialisti i Mjekësisë Familjare, Remzi Shala thotë se kjo recetë ndihmon në përballje me gripin, por që nuk e pengon 100 për qind.
Ai për KALLXO.com ka thënë se të gjithë pacientëve iu përshkruan vitamin C për t’u përballur me gripin.
“Për sa i përket kësaj, vitamina C ndihmon me u përballë me gripin, po me pengu 100 % jo. Vitamina C tek gripi karcol dominant, ndikon në lehtësimin e simptomave dhe preventon, por jo 100 %. Ne të gjithë pacientëve iu përshkruajmë vitaminë C gjatë gripit”- ka theksuar Shala.
