Varret e viktimave të masakrës në Reçak. Foto: Serbeze Haxhiaj/BIRN.
Pretendimi i rremë për deklaratën e Sylejman Kllokoqit
Deklarata
Bombardimet e NATO-s nisën një ditë pas Reçakut
Vlerësimi
Rrenë
Publikimi se Sylejman Kllokoqi ka deklaruar se bombardimet e NATO-s nisën një ditë pas Reçakut është i rremë. Krypometri ka verifikuar se Kllokoqi nuk e ka thënë një deklaratë të tillë.
Artikulli
Më 25 tetor 2023, uebfaqja me emër ontime.press (arkiva), ka publikuar një artikull me titull “Sylejman Kllokoqi: Ja si arrita të filmoja fshehurazi masakrën e Reçakut, ku falë asaj video në Kosovë ditën tjetër ndërhyri ushtarakisht NATO”.
I njëjti artikull është shpërndarë edhe në faqet në Facebook, Report TV(arkiva) dhe Top Lajme (arkiva).
Titull pretendon se Sylejman Kllokoqi ka thënë së një ditë pas i ka bërë filmimet e masakrës së Reçakut gjatë luftës, NATO ka ndërhyrë ushtarakisht në Kosovë.
Artikulli i referohet një interviste që ka dhënë Kllokoqi për Report TV.
Krypometër ka verifikuar këtë informacion. Fillimisht është konstatuar se masakra e Reçakut kishte ndodur me 15 janar 1999, ndërsa ndërhyrja e NATO-s në Kosovë ka ndodhur me 23 mars 1999.
Krypometri ka kontrolluar për të verifikuar nëse kameramani Kllokoqi e ka dhënë këtë deklaratë.
Për të verifikuar këtë informacion është kontrolluar materiali i plotë i transmetuar nga kanali Report TV.
Deklarata origjinale tregon se Kllokoqi nuk ka thënë se një ditë pas masakrës së Reçakut kishte ndëryrë NATO.
Në materialin e egzaminuar tregohet se “Kur erdh masakra e dytë e Reçakut, e mora kamerën dhe shkova në 5 në mëngjes dhe hyra në Reçak. I bëra ato xhirimet e famshme që sot janë nëpër krejt botën, dhe pas atyre erdh edhe bombardimi i NATO- s. E patën ndikimin në botë ato fotografi”- është shprehur ai.
Në tërë materialin e analizuar, kameramani Kllokoqi nuk ka përmendur se të nesërmën e masakrës së Reçakut është kryer ndërhyrja e NATO-së.
Sipas të dhënave, masakra në fshatin Reçak ka ndodhur me 15 janar 1999 ndërsa bombardimet e NATO-s kanë filluar dy muaj më vonë, më 24 mars 1999. Në fshatin Reçak, rreth 30 kilometra larg Prishtinës, forcat serbe kanë vrarë 45 civilë shqiptarë.