Kanosje me armë në Fushë Kosovë
18.6.2019 - 12:02
Dy persona kanë raportuar në polici se janë kanosur dje në Fushë Kosovë.
Viktima e rastit, një grua dhe një burrë kanë njoftuar policisë se dy persona të panjohur, i kanë kanosur ata, ku njëri prej të dyshuarve e kishte nxjerr një revole dhe ua kishte drejtuar viktimave.
Sipas tyre, të dyshuarit për këtë rast, janë larguar me një automjet në drejtim të panjohur.
Në njoftimin e policisë nuk raportohet për ndonjë person të lënduar nga ky rast, i cili mbetet nën hetime nga njësitë hetimore.