Haradinaj: Nuk ka rrezik për ndarje të koalicionit qeverisës

Zhvillimet e fundit politike në Kosovën nxitën zëra se koalicioni qeverisës është drejt prishjes, dhe se shumë shpejt do të ketë zgjedhje të reja.

Megjithatë kryeministri i Kosovës, Ramush Haradinaj, deklaroi se nuk sheh rrezik të prishjes së koalicionit.

Sipas tij ka diskutime e mendime të ndryshme, mirëpo kur merren vendimet janë vendime të të gjithëve.

Haradinaj përmendi edhe vendimin për taksën si vendim të të gjithëve, ka mendime për pezullim të saj, mirëpo ende qëndron vendimi i votuar edhe nga partia e kryeparlamentarit Veseli. Kryeministri shtoi se nuk beson se taksa do të jetë arsye për prishjen e koalicionit, edhe pse kjo nuk do të ishte fundi i botës.