![](https://kallxo.com/wp-content/uploads/gjnk/path/arrestimi-i-policeve-te-kosoves-nga-serbia_484834.jpg)
Serbia Liron Dy Policët Kosovarë
(E plotësuar)
“Sot me 02 prill 2012, dy zyrtaret policor të rrëmbyer janë liruar dhe të njëjtit nën përcjelljen e zyrtarëve policor të komponentës së EULEX-it, pas orës 13:00 janë kthyer në Kosovë dhe gjendja e tyre shëndetësore është e mirë,” thuhet në kumtesën për shtyp të policisë së Kosovës.
Policia e Kosovës tha se së bashku me institucionet vendore vazhdimisht ka bërë përpjekje të pandërprera duke shfrytëzuar të gjithë mekanizmat vendorë dhe ndërkombëtare për të bërë trysni për lirimin e tyre.
“Po janë liruar dy policët, dhe janë në Kosovë”, konfirmoi për Gazetën JnK, zëdhënësi i EULEX-it, Nick Hawton.
Ministri i Punëve të Brendshme, Bajram Rexhepi, ka thënë për mediat se policët kosovarë janë liruar pas ndërhyrjes së Bashkimit Evropian dhe të shefit të EULEX-it, Xavier de Marnhac.
Policët Shukri Binaku dhe Sami Beqiri, aktualisht janë duke i kryer procedurat e nevojshme dhe do t’i dorëzohen nga Policia e Serbisë EULEX-it.