Arkiv: Avokati Azem Vllasi pranohet në QKUK pas plagosjes me armë zjarri - Foto: KALLXO.com
Avokati Vllasi u Nënshtrohet Fotografimeve në QKUK
13.3.2017 - 09:13
Pas plagëve të marra sot në mëngjes, avokati prishtinas Azem Vllasi është dërguar menjëherë në Qendrën Klinike Universitare të Kosovës për tretman mjekësor.
KALLXO.com merr vesh se avokati i është nënshtruar disa fotografimeve të nevojshme në QKUK, për të kuptuar përmasat e plagëve dhe dëmtimet që i ka pësuar nga plagosja me armë zjarri.
Siç raporton gazetarja e KALLXO.com, momentalisht avokati Vllasi gjendet në sallën e reanimacionit.
Zëdhënësja e Policisë, Florie Ahmeti-Haziraj tha më herët për KALLXO.com se një person është plagosur sot rreth orës 8:00 në rr. “Hajdar Dushi”, në Prishtinë.
http://kallxo.com/plagoset-avokati-azem-vllasi/