Foto Ilustrim: Vjedhje
Arrestohen 5 persona në Fushë- Kosovë, tentojnë ta thyejnë derën e marketit
25.4.2018 - 10:02
Pesë persona janë arrestuar pasi kanë tentuar të thyejnë derën e një marketi.
Policia ka njoftuar se të arrestuarit dje rreth orës 6:30 kanë tentuar të thyejnë derën e një marketi në rrugën “Dardania” në Fushë- Kosovë.
Policia në vendin e ngjarjes ka gjetur dhe sekuestruar një gëzhojë, ku dyshohet se gjatë ikjes kanë shtënë me armë zjarri në ajër.
Policia ka njoftuar se gjatë kontrollit në njërën nga shtëpitë e të dyshuarve është gjetur dhe sekuestruar një pistoletë me një fishek.
Me vendim të prokurorit të dyshuarit janë dërguar në mbajtje.
Rasti është duke u hetuar.