Foto: Facebook
ZYRTARE: Gjergj Dedaj emërohet ambasador në Maqedoni (Dokument)
Zëvendësministri i Punëve të Jashtme të Kosovës, Gjergj Dedaj, ka njoftuar se ka marrë një pozitë të re në diplomacinë kosovare.
Dedaj ka njoftuar se është emëruar ambasador i Republikës së Kosovës në Maqedoni.
Këtë e ka bërë të ditur vetë Dedaj përmes një postimi në “Facebook”.
“NË një mision të ri, përgjegjësi shtetërore për Kosovën! Falenderoj Presidentin e Republikës së Kosovës, HT Hashim Thaqi, për besimin dhe dekretimin tim, për Ambasador/Shef i Misonit Diplomatik, të Republikës së Kosovës, në Republikën e Maqedonisë!”, ka shkruar ai.
Para emërimit ambasador, Dedaj ishte zëvendësministër në Ministrinë e Punëve të Jashtme.
Deputetë të komunitetit turk në Kosovë, kishin kërkuar shkarkimin e Dedajt nga pozita e zëvendësministrit për shkak se ky i fundit kishte deklaruar se Turqia dhe Serbia po synojnë rikthimin e tyre strategjik në Kosovë përmes emisarëve të tyre.
https://kallxo.com/gjergj-dedaj-mesazh-per-mbetjet-turke-e-serbe-ne-kosove/
Kallxo.com