Thyerja e miteve rreth veturave elektrike: Bleni një veturë të re elektrike ose mbajeni një me benzinë ose me naftë të vjetër
Gjatë jetëgjatësisë së tyre, veturat elektrike janë përgjegjëse për shumë më pak CO2 sesa veturat me djegie të brendshme.
Mendimi i gabuar është se është gjithmonë mirë të mirëmbahen veturat e vjetra me benzinë, sepse kërkon shumë energji për të bërë një automjet të ri. Por në fakt, energjia dhe CO2 për të cilat është përgjegjëse një automjet me djegie të brendshme gjatë jetëgjatësisë së tij është rreth katër herë më e lartë në krahasim me prodhimin e së njëjtës veturë. Për veturat elektrike, ky raport është afërsisht tre me një.
Pra, nëse keni vendosur ta bleni një veturë të re, zgjidhni atë me ndikimin më të ulët të CO2 gjatë vozitjes, e cila është një veturë elektrike, shkruan Top Gear. Gjatë jetës së tyre, automjetet elektrike janë përgjegjëse për shumë më pak CO2 sesa makinat me djegie të brendshme. Sidomos pasi, në krahasim me automjetet e hershme elektrike, shumë prej të sotmeve janë ndërtuar në fabrika me emetime të ulëta të CO2 dhe funksionojnë me burime të rinovueshme të energjisë.
Pra, nëse jeni një nga ata njerëz që marrin një veturë të re çdo tre ose katër vjet dhe dëshironi t’i reduktoni emetimet tuaja të CO2, zgjedhini ato që janë elektrike.
Por, çka nëse ndodh nëse vetura juaj ekzistuese me benzinë ose naftë është krejtësisht e përshtatshme për ju? Nëse kontribuoni në prodhimin e një veture më pak të çfarëdo lloji, ju kurseni CO2 në afat të shkurtër. Megjithatë, nëse vozitni shumë ose vetura juaj konsumon shumë, atëherë shitjani atë dikujt që vozit më pak, këshillon Top Gear dhe shton se blerja e një veture elektrike do të ishte fitimprurëse për klientin pas disa vitesh.
Por nëse vetura me djegie të brendshme që keni është efikase dhe e vozisni pak, Top Gear mendon se ndoshta është mirë ta mbani atë për një kohë më të gjatë./ Top Gear
Përgatiti: Nuhi Shala
