Gjermani - Rënie dramatike në shitjet e automjeteve elektrike në muajin janar
Pasi qeveria gjermane e ka hequr bonusin për blerjen e automjeteve elektrike, shitjet e tyre ranë deri në 55 për qind në muajin janar. Nga ana tjetër, janë rritur shitjet e automjeteve me benzinë dhe naftë.
Në muajin e fundit të vitit 2023, Gjermania eliminoi para kohe bonusin e dhënë nga shteti për blerjen e automjeteve me zero emetim.
Si rezultat, prodhuesit e automjeteve u detyruan t’i ulnin çmimet për t’i tërhequr blerësit. Luftën me çmimet “dumping” në Gjermani e nisi Tesla. Megjithatë, rekordi u reduktua nga Dacia, e cila pothuajse e përgjysmoi çmimin, duke ulur vlerën origjinale të modelit Spring deri në 10 mijë euro, ndërsa, për shembull, BYD kineze uli çmimet e modelit Atto 3 me 15 për qind.
Megjithatë, mungesa e subvencioneve në fund të fundit nënkuptonte që EV-të pësuan një rënie dramatike, kështu që nuk është aspak befasuese që kërkesa dhe shitjet e automjeteve me emetim zero kanë shënuar rënie.
Kështu, në janar të këtij viti, tregu më i madh evropian shënoi një rënie të shitjeve të automjeteve elektrike me 54,9 për qind krahasuar me janarin e 2023. Gjithashtu, shitjet e automjeteve hibride plug-in gjithashtu ranë me 19.6 për qind, pasi automjete të tilla ishin ndër të parat që dolën jashtë konkurrencës për stimuj të qeverisë.
Nga e gjithë kjo përfituan kompanitë e benzinës dhe veçanërisht ato të naftës, të cilat në vitin 2023 humbën tregun nga kompanitë elektrike. Siç pritej, blerësit tërhiqeshin më shumë drejt automjeteve të fuqizuara nga motorë konvencionalë.
Krahas rritjes së shitjeve të automjeteve me motor benzinë me 9.1 për qind, në skenë u rikthyen edhe dizelët me dyer të vogla, duke shënuar një rritje prej 9.5 për qind. Pavarësisht rritjes së shitjes së automjeteve me motorë SUS, tregu gjerman i automjeteve shënoi një rënie prej 11.7 për qind në janar krahasuar me dhjetorin 2023.
Sipas ekspertëve, rënia e shitjeve të autojeteve të reja në Gjermani nuk mund të fajësohet vetëm për heqjen e subvencioneve shtetërore. Gjendja e ekonomisë dhe tensionet gjeopolitike në rajon kontribuojnë në mënyrë të barabartë në këtë fenomen./Klix.ba
Përgatiti: Nuhi Shala
(Shënim, tektstit i është ndërruar fotografia për shkak të kualitetit të fotografisë së dobët – është zëvëndësuar me fotografinë aktuale e cila ka kualitetin më të mirë – koha e editimit: 10:27 – 12.02.2024)
