Stadiumi i Prishtinës merr emrin Fadil Vokrri
23.7.2018 - 12:46
Stadiumi i Prishtinës nga sot do ta mbajë emrin e legjendës së futbollit të Kosovës, Fadil Vokrrit.
Lajmin e bëri të ditur zëvendëskryeministri dhe ministri i Jashtëm, Behgjet Pacolli përmes një postimi në profilin e tij në “Facebook”.
“Stadiumi i Prishtinës, me plot meritë, nga sot quhet ”Fadil Vokrri”.”, shkroi ai.
Emërimi i stadiumit u bë në datën e lindjes së ish-futbollistit dhe ish-kryetarit të Federatës së Futbollit të Kosovës, i cili ka vdekur më 9 qershor të këtij viti.