Foto: Urim Krasniqi/KALLXO.com
Zyrtare: Challandes shkarkohet nga stoli i Kombëtares së Kosovës
13.10.2021 - 13:07
Kryetari i Federatës së Futbollit të Kosovës, Agim Ademi ka bërë të ditur se e kanë shkarkuar trajnerin e Kosovës, Bernard Challandes.
Challandes është shkarkuar nga posti i trajnerit të Kosovës pas humbjes befasuese nga Gjeorgjia të martën në mbrëmje.
Trajneri Bernard Challandes është shprehur i mërzitur pas përfundimit të aveneturës së tij si trajner i Kombëtares së Kosovës.
“Ka qenë privilegj dhe kënaqësi të jesh trajner i Kosovës. Jam i pikëlluar që erdhëm në këtë pikë”, ka thënë Challandes.
Bernard Challandes ishte emëruar trajner i Kombëtares së Kosovës më 2 mars të vitit 2018.
Trajneri zvicerian në atë kohë u prezantua në konferencë për media nga ish-kryetari i FFK-së, Fadil Vokrri.
Challandes e kishte zëvendësuar trajnerin Albert Bunjaki.
