Dallku i lumtur me fitoren ndaj Feronikelit
07.11.2021 - 15:30
Dukagjini ka shënuar fitore me rezultat 1-0 ndaj Feronikelit në kuadër të xhiros së 13-të në Superligë.
Trajneri i kësaj skuadre, Armend Dallku ka thënë se për skuadrën e tij me rëndësi ishte vetëm fitorja.
“Rëndësi për ne ishin tre pikët, pavarësisht se hasëm në vështirësi të mëdha nga kundërshtari. Goli i tillë është kërkuar gjatë gjithë takimit dhe ishte i mirëseardhur për ne. Për ne ishin të rëndësishme pikët, sepse kemi humbur shumë të tilla”, deklaroi Dallku.
Pas kësaj fitoreje Dukagjini pozicionohet në vendin e tetë me 14 pikë.
