Vonohet Zëvendësimi i Flamurit Kombëtar me Atë të Kosovës
13.2.2018 - 19:58
Për shkak se në shtizën ku gjendet flamuri kombëtar shqiptar nuk ka rrymë, punëtorët nuk po arrijnë ta ulin atë dhe ta zëvendësojnë me flamurin e Kosovës.
Gazetarja e KALLXO.com raporton se në vendin e ngjarjes janë dy punëtorë të një kompanie private dhe dy punëtorë të autorizuar nga Qeveria për ta ndërruar flamurin.
Në vendin e ngjarjes, te “Rrethi i Flamurit” janë parë edhe inspektorë të Komunës së Prishtinës.
Ditë më parë, kryetari i kryeqytetit Shpend Ahmeti tha se sipas Ligjit kryeministri mund ta mënjanojë flamurin kombëtar në rastet e festave, siç është edhe përvjetori i Pavarësisë së Kosovës.
Rreth orës 20:00 te “Rrethi i Flamurit” kanë ardhur ekipet e KEDS-it për ta rregulluar problemin me rrymë në shtizën e flamurit.