ROSU në Veri Vëzhgon Situatën nga Kodrat (FOTO)
26.3.2018 - 17:28
Pjesëtarë të Njësive Speciale të Policisë së Kosovës (ROSU) janë parë duke patrulluar këmbë kodrinave afër kufirit mes Kosovës dhe Serbisë.
Sipas fotografive të dërguara nga gazetari i KALLXO.com shihen pjesëtarët e ROSU duke vëzhguar nga kodrat që gjenden afër Zveçanit.
Njësitë Speciale të Policisë janë dërguar sot në veri për të penguar hyrjen e dy zyrtarëve të lartë të Qeverisë serbe.
Hyrja e ministrit serb të Mbrojtjes, Aleksandar Vulin dhe shefit të Zyrës për Kosovën në Qeverinë serbe, Marko Gjuriq, është ndaluar me vendim të Ministrisë së Punëve të Jashtme të Kosovës.