Punëtori i Kompanisë ‘Pastrimi' Vdes në Vendin e Punës

Ngjarja ka ndodhur sot rreth orës 12:20 në rr. ‘’Isa Kastrati’’, në lagjen Mati, në Prishtinë. Rrethanat e këtij rasti tragjik ende nuk dihen.

Rastin për KALLXO.com e ka konfirmuar komandanti i Trafikut Regjional të Prishtinës, Milaim Fejzullahu.

’’Shoferi dhe dëshmitarët okularë janë marrë për intervistë nga Policia, por ende nuk është marrë ndonjë vendim për ta”, theksoi Fejzullahu.

“Ndërsa, trupi i viktimës është dërguar për obduksion në Institutin e Mjekësisë Ligjore”, tha komandanti i Trafikut Regjional të Prishtinës.

Ndërsa, zyrtari i kompanisë “Pastrimi”, Xhevat Xhaka, tha për KALLXO.com se viktima është S.A. (54 vjeç) dhe ishte punësuar në kompani një vit më parë.

Redaktoi: Naser Sertolli