Foto ilustrim - KALLXO.com
Vdes një person në Partesh, u lëndua në vendin e punës
07.11.2023 - 10:04
Një person në Partesh, dyshohet se derisa ishte në vendin e punës ka pësuar lëndime trupore, e më pas është dërguar në Spitalin e Gjilanit.
Në raportin policor bëhet e ditur se si pasojë e lëndimeve, ai ka vdekur.
Me vendim të prokurorit trupi i pajetë i viktimës është dërguar në Institutin e Mjekësisë Ligjore për obduksion.
KALLXO.com ka kontaktuar me Inspektoriatin e Punës për të marrë detaje në lidhje me rastin, mirëpo deri në publikimin e këtij teksti, nuk janë përgjigjur.