Foto-ilustrim
Një i Vrarë në Prishtinë
Policia njofton se sot rreth orës 02:30 ka marrë informacionin se në rrugën “Fehmi Agani” në Prishtinë, ka pasur të shtëna me armë zjarri.
Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes.
Sipas një komunikate të Policisë, me të dalë në vendin e ngjarjes është konstatuar se ka nga arma e zjarrit janë plagosur viktimat: N. S., 33 vjeç (i gjinisë mashkullore), dhe R.C., 19 vjeç (e gjinisë femërore), të cilët janë dërguar në QKUK për trajtim mjekësor.
Mirëpo, N.S., nuk ka mundur t’i përballojë plagët e shkaktuara nga arma e zjarrit dhe rreth orës 04:00, nga QKUK-ja Policia është informuar viktima ka ndërruar jetë.
Aktualisht Policia ka arritur që të identifikojë një person si të dyshuar të mundshëm dhe është duke punuar për arrestimin e tij.
Ndërkohë që hetuesit policor, me një intensitet të shtuar kanë ndërmarrë një varg veprimesh operative e hetimore, në përpjekje për të ndriçuar dhe sqaruar të gjitha rrethanat që kanë të bëjnë me rastin, i cili është cilësuar si Vrasje e rëndë.