Ministri Gashi: Neve nuk na u përmendën kurrë hidrocentralet
Emisioni i fundit “Drejtësia në Kosovë” transmetoi hulumtimin i cili tregon se si Prokuroria Speciale ka nxjerrë aktvendim për fillimin e hetimeve ndaj disa zyrtarëve qeveritarë të Kosovës.
Në Komisionin Qeveritar për Privatizimin të KEDS-it atëherë kanë marrë pjesë: Besim Beqaj, ministër i Zhvillimit Ekonomik, Mimoza Kusari-Lila, ministre e Tregtisë dhe Industrisë, Bedri Hamza, ministër i Financave, Dardan Gashi, ministër i Mjedisit dhe Planifikimit Hapësinor dhe ministri i Punës dhe Mirëqenies Sociale, Nenad Rashiq.
Dardan Gashi, ish-ministër i Mjedisit dhe Planifikimit Hapësinor ka sqaruar se për çka ka nënshkruar në këtë proces.
“Ne kemi nënshkruar për privatizimin e rrjetit të distribucionit dhe gjitha ato që kanë qenë pjesë e pronës e ndërmarrjes së distribucionit e cila ka kalua në privatizim për 25 vitet e ardhshme prej asaj kohe po flas, tash siç duket po neve nuk na u ka thanë asnjëherë se janë edhe hidrocentralet, procesverbalet ekzistojnë me shkrim dhe me audio dhe hidrocentralet nuk janë përmendur kurrë”, theksoi Ministri Gashi.
Gashi gjithashtu ka treguar së është thirruar nga policia si dëshmitar i këtij rasti.
