Kosovarët ia kujtojnë Mogherinit premtimin për liberalizim pas ratifikimit të demarkacionit
Kryeshefi Ekzekutiv i Fondacionit “Sfidat e Mijëvjeçarit”, Petrit Selimi, në një vjetorin e ratifikimit të marrëveshjes për demarkacionin me Malin e Zi ka ironizuar me një postim të përfaqësueses së lartë të Bashkimit Evropian, Federica Mogherini që e kishte bërë një vit më parë.
Mogerhini në postimin e saj kishte uruar Kosovën për ratifikimin e marrëveshjes duke theksuar se pas kësaj do të bëhet liberalizimi i vizave.
E për këtë, Selimi ka reaguar duke e quajtuar “premtim bosh” deklaratën e Mogerhinit.
“E dashura Premtim Bosh, gëzuar përvjetorin. Shpresoj të harrohesh shpejt në luginën e ëndrrave të thyera, pritjeve të gjata për liberalizim të vizave dhe izolim të plotë, të ftohtë dhe të pangopur. I juaji, në një qosh!”, ka shkruar Selimi në postimin e tij në Twitter.
Dear Empty Promise, Happy Birthday. May you be quickly forgotten in the valley of broken dreams, long visa queues and utter, cold, inconsolable isolation. Yours, That’s me in the corner. https://t.co/yBMJbIirJK
— Petrit Selimi (@Petrit) March 21, 2019
Të njejtin mendim si Selimi kanë ndarë edhe disa komentues të tjerë nga Kosova drejt Mogerhinit.