Blerim Isufaj Mund Bahri Hysenin Për Kreun e Këshillit Prokurorial
Nga sot, Këshilli Prokurorial i Kosovës ka filluar punën me përbërjen e re.
Anëtarët e rinj kanë dhënë betimin para Kryeprokurorit të Shtetit Aleksandër Lumezi, i cili udhëhoqi mbledhjen e fundit si kryesues i Këshillit, pasi anëtarët e KPK-së kanë zgjedhur që nga sot t`i kryesojë anëtari i ri Blerim Isufaj.
Ai fitoi më shumë vota se kundërkandidati i tij, Bahri Hyseni.
Isufaj i cili vjen nga Prokuroria Speciale u zgjodh kryesues në raundin e dytë, pasi në raundin e parë nuk arriti t`i sigurojë votat e mjaftueshme.
Votimi për zgjedhjen e kryesuesit të Këshillit Prokurorial të Kosovës u bë pasi anëtarët e rinj të Këshillit dhanë besimin e tyre.
Isufaj, në raundin e dytë mori tetë vota nga anëtarët e Këshillit, ndërsa Hyseni 2.
Poashtu anëtarët e rinj të KPK-së e mbështetën dhe rikonfirmuan për zëvëndëskryesues prokurorin Idain Ismajli, cili e tërhoqi kandidaturën nga gara për kryesues.
Mbledhja e parë ë KPK-së u mbajt pa pjesëmarrjen e anëtarëve jo prokurorë, pasi anëtarëve të deritanishëm u ka kaluar mandati më 31 dhjetor të vitit të kaluar.
Konkursi për këta anëtarë është rishpallur, pasi konkursi i shpallur në fund të vitit të kaluar ka dështuar.