Kryetari i Fshatit Synon Udhëheqjen e Fushë Kosovës
10.10.2017 - 14:27
Driton Ademi i cili ka mbajtur udhëheqjen e fshatit Hens të Komunës së Fushë Kosovës për afro dy dekada , dëshiron të provojë fatin në udhëheqje të të gjithë qytetit.
Selvete Ademi, bashkëshortja e kandidatit të Nismës për Kosovën për Fushë-Kosovë tregoi mbi aktivitetin e burrit të saj si udhëheqës fshati.
“Ka qenë 17 vite kryetar i fshatit Hens, ka ndërtuar fshatin Hens, diku 40 deri 50 shpi me një shoqatë austriake. Ka punu me KFOR-in ka nda ndihma”, tha Ademi.
Në intervistën për debatpernime Ademi rrëfeu edhe mbi karakteristikat e personalitetit të bashkëshortit të saj si dhe përshkroi pasurinë familjare.
“Është i zoti, është i ndershëm, është punëtor. Kemi shtëpi, kemi tokë, kemi veturë një Audi”, tha ajo.