Foto: Facebook
Ballkani e befason Llapin në Podujevë (Foto)
31.10.2018 - 23:17
Ballkani ka shënuar një fitore shumë të rëndësishme ndaj Llapit, në stadiumin “Zahir Pajaziti” me rezultat 1:0.
Fitorja e sotme e Ballkanit padyshim që është befasia e xhiros së 13-të, pasi para ndeshjes llapjanët janë konsideruar si favorit absolut.
Golin e vetëm në këtë ndeshje e shënoi Durim Gashi, në minutën e ’70, pas një gabimi të mbrojtjes.
Pas kësaj humbje Llapi përsëri qëndron në pozitën e tretë me 23 pikë, por e ka Dritën mbrapa me vetëm një pikë më pak.
Ndërsa Ballkani me fitoren e sotme i ka grumbulluar 18 pikë dhe ka dalë nga zona e barazhit, pra në vendin e tetë.