Zemaj - deputetit të Vetëvendosjes: Në sy vërehesh që je me COVID-19

Ministri i Shëndetësisë, Armend Zemaj, gjatë seancës së Kuvendit të Kosovës ku për gjendjen dhe menaxhimin e pandemisë ka raportuar kryeministri Avdullah Hoti, i është drejtuar një deputeti të Vetëvendosjes me fjalët: Në sy po vërehesh se je i infektuar me COVID-19.

Zemaj ka thënë se nga data 12 qershor situata me COVID-19 është përkeqësuar.

“Më e keqja që ka ndodh ka ndodh që nga data 12 qershor. Mbyllni seancën për publikun jua lexoj emrat e aktivistëve e familjarëve që jeni të semurë me COVID-19. Shkoni boni testet! Ecni ren me i bo testet! Pse po ikni? Po ti je me simptoma, në sy vërehesh, sytë të kallxojnë që je me COVID-19”, ka thënë ai.