Aleksandar Vuçiq
Vuçiq për takimin në Bruksel: E di çfarë më pret, me Kurtin nuk ka shumë biseda
Presidenti i Serbisë, Aleksandar Vuçiq, ka folur për takimin e radhës me kryeministrin e Kosovës, Albin Kurti, i cili pritet të mbahet të hënën në Bruksel.
Ai për këtë takim ka thënë se e di se çfarë e pret. Sipas Vuçiqit, me Kurtin nuk ka shumë biseda.
“Me Kurtin nuk ka shumë biseda. Ai njeri menjëherë fillon të flasë për Slobodan Millosheviqin, vuajtjet e tij… nuk e di, Adem Demaçin… Atëherë e kuptoni se ai ka mbetur prapa në atë kohë, dhe kaq…” – tha Vuçiq.
Vuçiq tha se në takimin e 27 shkurtit në Bruksel “sigurisht që do të flitet për formimin e Asociacionit” dhe, siç tha ai, “për këtë do të duhet të flasin edhe përfaqësuesit evropianë”, raporton Danas.
“E di, Kurti do të shkojë me tregimin – po, po, unë pranoj gjithçka, por Serbia do të duhet të pranojë gjithçka… Dhe kështu… I kam parë të gjitha ato marifete të panumërta, kështu që kjo do të jetë taktika ime. I kam ndjekur të gjitha ato biseda kaq herë, më shumë se të gjitha së bashku, Po të isha më budallai në botë do të isha më i përgatituri. Llogaris se nuk jam tamam njeriu më budalla në botë…”, tha Vuçiq.
Me këtë rast, ai e quajti Nenad Rashiqin, ministrin për Komunitete dhe Kthim në Qeverinë e Kosovës, “tregtar droge”, kurse Rada Trajkoviqin, këshilltare në Qeverinë e Kosovës që flet marrëzira.
Kurti dhe Vuçiq nuk kanë zhvilluar takim në kuadër të dialogut të Brukselit që nga nëntori i vitit 2022.