Vrasje në stil mafioz në Gjilan
12.9.2021 - 21:11
Një person është vrarë para pak minutash në qendër të Gjilanit.
KALLXO.com merr vesh se vrasja është kryer me gjakftohtësi.
Burime të KALLXO.com thonë se dy persona i janë afruar viktimës, e cila është qëlluar me armë zjarri nga afërsia.
Të dyshuarit kanë ardhur në këmbë drejt viktimës.
Pas vrasjes, dy të dyshuarit janë larguar nga vendi i ngjarjes.
Vrasjen për KALLXO.com e ka konfirmuar edhe drejtoresha e Policisë Rajonale të Gjilanit, Elmina Mahmuti.