Vdes një person në QKUK pasi u rrëzua nga vetura, arrestohet shoferi

Policia e Kosovës ka arrestuar në person në Klinë, pasi dyshohet se një javë më parë, nga vetura e tij është rrëzuar një burrë, i cili dje ka vdekur në Qendrën Klinike Universitare të Kosovës.

Me vendim të prokurorit, i dyshuari është dërguar në mbajtje.

Sipas policisë, trupi i pajetë i viktimës është dërguar në Institutin e Mjekësisë Ligjore për obduksion.