Të shtëna me armë në Haraçinë të Maqedonisë së Veriut, plagosen dy persona

Sot ka pasur të shtëna me armë në fshatin Haraçinë të Shkupit, shkruan TV21 në Maqedoninë e Veriut.

Policia është në vendin e ngjarjes, ndërkaq, mësohet se është plagosur një 39-vjeçar me iniciale E.S., i cili është shtrirë në spitalin “Shën Naumi i Ohrit” në Shkup.

“E.S. 39 është sjell në Shën Naumi i Ohrit, me plagë në kraharorin e djathtë” –  kanë thënë nga spitali për TV21.

Një person tjetër dyshohet se është gjithashtu i plagosur, por që është transportuar në Qendrën Klinike “Nënë Tereza”, ku është futur në sallë të operimit për ndërhyrje kirurgjike.

Nga MPB ende nuk ka njoftim zyrtar në lidhje me rastin.