Suspendohen katër policë kufitar
26.2.2022 - 09:54
Katër zyrtarë policorë të Drejtorisë Rajonale Kufitare “Veriu” janë suspenduar pasi kanë keqpërdorur pozitën zyrtare.
Rekomandimin e ka dhënë Inspektorati Policor i Kosovës respektivisht hetuesit e Departamentit të Hetimeve të IPK-së.
Ndaj zyrtarëve policorë është duke u zhvilluar procedurë hetimore paraprake me dyshimin se të njëjtit kanë kryer veprën penale “Keqpërdorim i pozitës apo autoritetit zyrtar”.
“Hetuesit e IPK-së në koordinim të plotë me Prokurorinë e Shtetit, do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast”, thuhet në komunikatën e IPK-së.