Foto: Zyra e Presidencës së Ukrainës
Rusia bombardoi 33 vende civile në 24 orët e fundit
Forcat ushtarake të Rusisë po synojnë dhjetëra vende civile, ka thënë një zyrtar në Ministrinë e Brendshme të Ukrainës, raporton BBC.
“Rusët thonë se nuk po godasin objekte civile, por 33 objekte civile janë goditur gjatë 24 orëve të fundit”, tha Vadym Denysenko për agjencinë e lajmeve Reuters.
Forcat ruse janë mbyllur në kryeqytetin Kiev pasi përparuan me shpejtësi nga fronte të shumta në veri, lindje dhe jug të Ukrainës që nga fillimi i pushtimit të enjten.
Zyrtarët ukrainas kanë thënë se operativët rusë janë tashmë në qytet, duke u bërë thirrje vendasve të luftojnë me kokteje molotov (bomba benzine).
Rusia ka nisur pushtimin e Ukrainës më 24 shkurt.
Shtetet e Bashkuara, Bashkimi Evropian dhe NATO-ja e dënuan sulmin dhe u zotuan se do ta mbajnë Rusinë përgjegjëse.
Britania tha se është e gatshme që t’i ofrojë Ukrainës mbështetje shtesë ushtarake, përfshirë armë mbrojtëse vdekjeprurëse si dhe garanci për kredi, me qëllim që të ndihmojë Kievin “që të përballojë agresionin rus”.