Rekord të infektuarish me COVID-19 në Kosovë
Numri i rasteve të reja dhe aktive në Kosovë është duke u rritur ndjeshëm në ditët e fundit.
Sot, Instituti i Shëndetësisë Publike i ka raportua 661 raste të reja me COVID-19.
Numri total i rasteve pozitive është 22.206 raste nga 102.012 persona të dyshimtë në virusin SARS-CoV-2 dhe 720 raste të vdekjes.
Gjatë 24 orëve të fundit, janë shëruar 92 pacientë derisa numri i përgjithshëm i të shëruarve deri më sot është gjithsej 15.921 raste, kurse numri i rasteve aktive është 5.565.
Rastet pozitive janë nga komuna Prishtinë 324 raste, komuna Ferizaj 42 raste, komuna Fushë Kosovë 39 raste, komuna Gjilan 37 raste, komuna Gjakovë 35 raste, komuna Podujevë 35 raste, komuna Lipjan 19 raste, komuna Pejë 19 raste, komuna Viti 13 raste, komuna Mitrovicë 11 raste, komuna Drenas 10 raste, komuna Vushtrri 10 raste, komuna Shtime 9 raste, komuna Skenderaj 8 raste, komuna Deçan 6 raste, komuna Obiliq 6 raste, komuna Kamenicë 5 raste, komuna Kaçanik 5 raste, komuna Suharekë 5 raste, komuna Hani i Elezit 4 raste, komuna Malishevë 4 raste, komuna Prizren 4 raste, komuna Klinë 3 raste, komuna Kllokot 3 raste, komuna Istog 2 raste, komuna Rahovec 2 raste dhe komuna Junik 1 rast.
Kryeministri Avdullah Hoti kishte njoftuar se Qeveria e Kosovës është duke i bërë përgatitjen për përballjen me valën e dytë të COVID-19.
Kryeministri Hoti ka njoftuar se duhet të ketë solidaritet të plotë, në mënyrë që të evitohet mbyllja totale.
Ai ka treguar për hapat që janë marrë deri më tani për t’u përgatitur në këtë përballje të re. Është rritur numri i shtretërve, është rritur kapaciteti i testimeve si dhe në shkolla është rritur dukshëm kontrolli.
