Foto: Urim Krasniqi/KALLXO.com
Qeveria Kurti i zëvendëson dy anëtarë në Bordin e ShSKUK-së
11.8.2021 - 15:35
Me propozimin e ministrit të Shëndetësisë, Arben Vitia, Qeveria e Kosovës e ka miratuar vendimin për plotësimin dhe ndryshimin e vendimit të Qeverisë numër 17/38, të datës 30.10.2020 për emërimin e Bordit Drejtues të Shërbimit Spitalor, Klinik Universitar të Kosovës.
Sipas Vitisë, vendimi ndërron përfaqësuesin nga spitalet regjionale dhe përfaqësuesin nga Ministria e Shëndetësisë.
Sipas këtij vendimi, Dr. Naim Hoxha, Spitali i Përgjithshëm i Ferizajt zëvendësohet me Dr. Hanumshahe Kingji, Spitali i Përgjithshëm i Pejës.
Gjithashtu, Dr. Diellor Rizaj, Ministria e Shëndetësisë, zëvendësohet me Mentor Bislimi, Ministria e Shëndetësisë.