Protestë e serbëve në Mitrovicën Veriore kundër ndalimit të mbajtjes së referendumit të Serbisë në Kosovë
16.1.2022 - 09:03
Dhjetëra qytetarë të komunitetit serb janë mbledhur në Mitrovicën Veriore dhe në shenjë proteste ndaj vendimit të institucioneve të Kosovës për të mos lejuar referendumin e Serbisë, kanë improvizuar “votimin” në sheshin “Car Llazari”.
Pjesëmarrës në këtë lloj proteste janë edhe drejtues të Listës Serbe.
Disa prej protestuesve po mbajnë pankarta.
Dje, institucionet e Kosovës kanë marrë vendim për të mos lejuar mbajtjen e referendumit të Serbisë në territorin e Kosovës.
Përballë kësaj situate, autoritetet e Serbisë kanë vendosur që qytetarët serbë të Kosovës të votojnë në referendum në katër qytete në Serbi që janë më së afërmi me territorin e Kosovës.
KALLXO.com sjell foto nga protesta: