Prokuroria urdhëron ndalimin e një mjeku në QKUK, dyshohet për ryshfet

Prokuroria Themelore në Prishtinë ka njoftuar se ka urdhëruar ndalimin e një mjeku në Qendrën Klinike Universitare të Kosovës.

Mjeku në fjalë, me inicialet S. D., dyshohet se ka kryer veprën penale “Marrja e ryshfetit”.

Në njoftimin e prokurorisë është thënë se në koordinim me Policinë e Kosovës është duke vazhduar me ndërmarrjen e veprimeve hetimore lidhur me këtë çështje penale.