Qeli burgu - Foto: REL/Shutterstock
Prishtinë, rrahu vëllanë, Gjykata e lë në burg
Gjykata e Prishtinës ka aprovuar kërkesën e Prokurorisë për t’i caktuar masën e paraburgimit prej një muaji kundër të pandehurit B.A., i cili dyshohet për veprën penale – dhuna në familje.
Nga njoftimi rezulton se i pandehuri B.A. kishte ushtruar dhunë fizike ndaj vëllait të tij.
Gjykata ka konstatuar se masa e paraburgimit është masë adekuate për zhvillimin e papenguar në këtë çështje penale, pasi që po të gjendet në liri i pandehuri B.A. mund të përsërisë veprën penale si dhe mund të ndikojë edhe në të dëmtuarin – vëllanë e tij.
Sipas njoftimit i pandehuri është udhëzuar në të drejtën e tij për të paraqitur ankesë në Gjykatën e Apelit.
Kodi Penal i Republikës së Kosovës, për veprën penale dhunë në familje ka paraparë dënim me gjobë dhe dënim me burgim efektiv deri në 3 vjet.