Prishtinë, një gruaje i gjenden në çantë 4,700 euro që dyshohet se janë të falsifikuara

Policia ka njoftuar se falë bashkëpunimit me qytetarë, hetuesit policorë në bashkëpunim me Prokurorinë Themelore në Prishtinë sot kanë arritur të sigurojnë informata dhe prova se në grua 36-vjeçare me inicialet N.B. ka tentuar të bëjë shpërndarjen e një sasie të parave të falsifikuara.

Sipas Policisë, në çantën e të dyshuarës janë gjetur katër mijë e shtatëqind euro që kanë qenë 47 kartëmonedha nga 100 euro të cilat dyshohet se janë të falsifikuara si dhe një elektroshok.

“Ndaj të dyshuarës është iniciuar rasti ‘falsifikimi i parasë’. Ajo është intervistuar dhe me aktvendim nga prokurori e njëjta është dërguar në mbajtje deri në 48 orë” – është thënë në njoftimin e Policisë.